كلمات اغنية مروان موسى – صدقني
كلمات اغنية صدقني مروان موسى
حاول تفتكر
لو قُلتلك مش هتصدقني
لو وريتك ممكن تسقفلي
ربع ثانية أو نص العمر
نفس الكلام بس مش نفس العُمق
حزام ناسف قبل كلمة آسف
مش عارف أنام قاعد بتحاسب
عامل مش شايف أمير الظلام
فاضل دقايق ع اللإصطدام
القرار مش صعب أنا بماطل مع نفسي بتباطئ
مستحرم أوصل الفضاء وأقوم ناطط
المفروض أغير ديكور المفروض أزوِّد إضاءة
المفروض أفوّر اليوم المفروض ما أعيدش نفس الغلطة مرتين
الشهوة سايقة بغشامة شوية شقاوة ما يضرش بس مش كده بتتغابى
وعدت نفسي وخالفت المفروض ما أكذبش عليّا
تقولش براوغ الباك لاممني الرايحة والجاية
لا هنا إنت ولا هناك
بتخترع سيناريوهات بتهوّن الأمواج
وشراعها مش على هواك
إحنا مش زي زمان
الوقت بيجري بجنان
لما تسألك مالك إكذب وقولها تمام
طب ما أنا فعلاً تمام
لأ إنت فعلاً غلبان
المفروض البني آدم بيحس في عقله بأمان
وإنت مش كده إنت العكس
معظم مشاعرك في الحبس
وربع خدش في حساسية تسيب الـ Game ما بتلعبش
ما هو إللي بتشوفه العين مش هو إللي على الداخل
بس إللي هتقوله دلوقتي هحاسبك عليه في الآخر
زي مشاريب بتتطلب في ألاعيب بتتلعب
بتقول بستحمل عواصف وفي خماسين بتتخمد
هديك آخر فرصة تقول بس بصراحة المرة دي
بقولك نقعد قعدة صفا بس إنت إللي مش راضي
عايزين نغيّر فمحتاجين ندور
عايزين نعدي فمحتاجين نطوّر
الـ Game ده باظ فعايزين نعيد من الأول
ما فيناش طاقة لبُكرة بس فينا نتصوّر
إحكيلي بقى عامل إيه
بُص يا مروان في مفهوم إسمه خمس مراحل الحزن
أول مرحلة هي مرحلة الإنكار
[sc name=”lyr” ][/sc]
