كلمات اغنية عمري الجاي متعب بن دخنه
كلمات اغنية عمري الجاي متعب بن دخنه
مدري وش اسميك يا عمري الجاي
و وشلون اعيشك وانا عايش بدوني
الشوك ماهو من دروبي من خْطاي
والخيبة اللي جاتني من ظنوني
يا مدوريني بين شوقي و ذكراي
اليا وصلت لراحتي ضيعوني
ياليل رجّع ضحكةٍ جابت اقصاي
بنتٍ يعلّقها الغلا في جفوني
حبيبتي اذا بقى لـ الوصل راي
تعالي و مرّي على اخر طعوني
من بعد كفك ذبلت خطوط يمناي
وعلى دروبك ذابت نجوم كوني
الدمع كان اكثر بواجد من بْكاي
عشان يترك لك مكان بعيوني
اول نفس صبّ و جرى في حناياي
خَذته من انفاسك و حرّك شجوني
ملاك اشوفك يا اجمل اقدار دنياي
غير الثنين اللي على أعلى متوني
حكيتي و عاف القصب بحة الناي
… سكّتي و غنيت لجلك لحوني
جلست الملم مابقى من بقاياي
ومرّ اخر احلامي ولاحظ حزوني
قال انت ترقب واحدٍ ماهو بجاي
وقلت انتظر عمري من اللي نسوني
حبيبتي شعري طموحاتي رْضاي
عرفتهم على بعض و تركوني
