خاطرك غالي، أمانة لا يضيق

ما يهمّ الكون فدوة خاطرك

إلاّ مريم، إلاّ روحي و الرفيق

ما بي بسمة غير بسمة ناظرك

ما نسيت الحبّ و القلب الرقيق

خابرٍ ضحكة عيونك خابرك

طول عمرك و أنتِ لي شمس و طريق

مخلصة من أولك لين آخرك

الخطأ بحرٍ و أنا اللي به غريق

آتمسك بك و ربّي ياجرك

نختلف أوقات، لكن ما أطيق ..

الزعل عندك يطول و عاذرك

ابشري بي باللي يرضيك و يليق

أمري بين يديك، من هو يامرك!

الذهب يبقى ذهب لو هو عتيق

و اللي أغلى من ذهب “هو خاطرك