كلمات اغنية مروان موسى – سامعاك
كلمات اغنية سامعاك مروان موسى
وبعد أصعب مرحلة
بيجي أحسن مرحلة ف الخمسة
وهي آخر مرحلة
كل إللي ممكن نقوله يتقال
كل إللي ممكن نشوفه شفاف
قولي مكان أروحه معاك
قولي ممكن نكون إيه سامعاك
يا يا ترى إيه إللي ممكن يتقال
دنيتنا كانت خداع من خيال
يا ترى إيه مشاهد هتتعاد
طلِتنا كانت آخر صفحة في الكتاب
السلاسة في العبارة هوا على الشط
اللقمة والشطارة الصياعة في الرد
بجاوب ع الأيام بطاقة الإعصار
بساوِم الحياة بهيئة الإصرار
طلعنا سوا رحلة الباقي خبر كان
إحساسي فيها إتغير ضعف عن زمان
قلبي لسه دافي الجزمة فيها رملة
آسف إختفائي كنت في حتة ضلمة
شوف الزمن لما بييجي ع الحبايب
وإنت عاجز عن تغيير مصير العالم عايش
بتعلي في صوتك ده بس أمل انك تتحل
من الكوكب ده الناس دي محاصرانا إحنا بنتذل
الظلم في كل حتة حتى إسكندناڤيا
إسمع مني الفكرة وإفهم قبل الناهية
الصين أمريكا روسيا إيران فرنسا ألمانيا
القوات العظمى سايقة عايزينا نروح في داهية
طب وإحنا إيه دخلنا وإيه إللي جابنا هنا
بنتكلم عن دخلنا وعن الهروب من هنا
ليه سايبين الحل وبنتكلم في المشكلة
داخلين على أيام ما يعلم بيها إلا ربنا
Illuminatـك متحكمين في ذاتك
حاجات أكبر مني ومنك
مش شايفين الصورة الكبيرة بسبب مشاكلنا
التكنولوچيا أكتر حاجة فادت وأذِت جيلنا
أصلًا كل إللي بنشوفه في Feedـنا مش بيفيدنا
بنقارن بعض ببعض نشوف في الـ Likes مين إللي يكسب
زرع في الناس كلها جنون عظمة بلا إستثنا
ياه حطينا ثقتنا في أجهزة بتدرِسنا
بقينا نخاف آراء الناس ما بنجازفش
متحفظين نشجع الكسبان ولو بيغش
إنت اليومين دول أهبل لو صريح وما بتكدبش
إنت لو جامد فده لنفسك يا أسطى ما تثبتش
حاجة ليا أو لغيري أو لنفسك
الناقص يا أخي يجي يعالج نفسه على حسابنا
وأنا إللي كنت فاكر نفسي طبيب نفسي
بحاول أداوي جروح الناس كإن معايا علاجها
طب ما أنا فيا إللي مكفيني
بساعد إللي داق المُر إزاي وأنا لسه أصلًا ما حاسِبتش مشاريبي
لو شُفت البريء في ضيقة أكيد همِد إيدي
وعارف إن ده بيإذيني بس ده جزء من شخصيتي
فحلمت بيوم جديد نجومه في النهار
الظلم فيه مش طايل خالي من الأشرار
خالي من الخداع غني بالأفكار
أنا مالي بإللي فات إحنا في آخر النهار
الشمس بتجري مني
الضلمة بتنتظرني
العمر بيختبرني
بربِش لو فاهمني
صاحي ولا عايش
هل جتلَك رسايل
طلعت من العاصفة
بس مش بدون خساير
كل إللي ممكن نقوله يتقال
كل إللي ممكن نشوفه شفاف
قولي مكان أروحه معاك
قولي ممكن نكون إيه سامعاك
يا يا ترى إيه إللي ممكن يتقال
دنيتنا كانت خداع من خيال
يا ترى إيه مشاهد هتتعاد
طلِتنا كانت آخر صفحة في الكتاب
حاول تفتكر
[sc name=”lyr” ][/sc]
