ملخص الحلقة الأولى من مسلسل برستيج

في أجواء درامية مثيرة، تبدأ أحداث الحلقة الأولى من مسلسل برستيج داخل “كافيه ومطعم” شهير في وسط البلد، يحمل اسم برستيج، وهو مكان معروف بيجمع بين شخصيات من مختلف الطبقات الاجتماعية.

بيشتغل في الكافيه:

أكرم (محمد عبد الرحمن) – ويتر مخضرم.
ديما – الشيف الأساسية.
عِمران (زياد ظاظا) – الويتر الجديد.
خلّة (معاذ نبيل) – العامل الغامض.
وصاحب المكان هو مستر بسّام.

بداية الغموض:

تضرب القاهرة عاصفة قوية 🌩️ بتجبر 14 شخص من خلفيات مختلفة يدخلوا الكافيه بحثًا عن الأمان. وفجأة النور بيقطع! وفي وسط الظلام، بيكتشفوا إن في جريمة قتل حصلت داخل المكان!

من أبرز الشخصيات اللي كانت وقت الجريمة:

المستشار إبراهيم (مصطفى غريب): محامي شهير، معروف بتصريحاته النارية، وعنده عداء قديم مع شخصية تُدعى تامر.
تامر (أحمد داوود): خبير في إدارة “اللجان الإلكترونية”، مشهور بإطلاق حملات ترند سواء لتشويه سمعة المشاهير أو دعمهم.
البلوجر اللي جاية تتفق مع تامر على حملة ترند، ومعاها صاحبها البدري (محمد عبد العاطي).

تصاعد الأحداث:

دخل المستشار الكافيه ولقى تامر، وفجأة أكرم شغّل برنامج فيه المستشار بيتكلم عن اللجان الإلكترونية، وذكر إن أول حرف من اسم الشخص هو “تاء”، في تلميح مباشر لـ تامر!
تامر انفعل، واندلعت مواجهة بينه وبين المستشار لكن تم فصلهم.

بعدها تامر دخل الحمام، وفي نفس الوقت زادت العاصفة، وتم إعلان حظر التجوال بسبب وفيات ناتجة عن الصعق الكهربائي .

وفجأة، النور بيقطع مرة تانية، وأكرم بيحاول يتفقد السكينة الكهربائية… لكن تليفونه بيتسرق! وفجأة الكل بيسمع خَبطة قوية!
يرجع النور، وتامر بيكون واقع على الأرض… ميت!