كلمات اغنية كأنه مجاش رامي جمال
في عالم الأغاني الذي يمزج بين الأحاسيس والكلمات، تأتي أغنية “كأنه مجاش” للفنان رامي جمال كواحدة من الأعمال التي تلامس القلب بصدق تعبيرها وعمق معانيها. تحمل كلمات الأغنية وجع الفقد والخذلان، وتعكس مشاعر الإنسان حين يحاول إنكار تجربة مؤلمة وكأنها لم تكن. من خلال مفردات بسيطة وأسلوب مباشر، يجسد رامي جمال صراعًا داخليًا بين النسيان والحنين، بين التماسك والانكسار. في هذا المقال، نستعرض كلمات أغنية “كأنه مجاش” التي لاقت تفاعلًا واسعًا بين الجمهور، لما فيها من صدق وإحساس يعبّر عن مواقف عايشها الكثيرون.
كلمات اغنية كأنه مجاش رامي جمال
كإنه مجاش
كإنه لا ساب ولا استغناش
كإنه لا شافني ولا عشِّم
ولا حبيت وباعني بلاش
كإنه ما راح
كإنه مسابش أي جراح
ولا ظلمني ولا تعبني
وعدّا كإنه معرفناش
يا جمدان قلبه يا بروده
يا قلبه القاسي يا جحوده
ده ولا سلم ولا اتكلم
ده يا بجاحته يا جبروته
كإن مفيش سنين بينا
وعيشنا الوهم واخلصنا
صحيح ماهو بردو بني ادمين
مفيش في الدنيا دي جنة
كإنه خيال
وضل مالوش لزوم وما زال
مالوش لا وجود ولا في قلبي
ولا في عقلي ولا ع البال
كإنه مفيش
شبح حب وصورة على أفيش
وفيلم نهايته محفوظه
ممل ووقته مابيمشيش
يا جمدان قلبه يا بروده
يا قلبه القاسي يا جحوده
ده ولا سلم ولا اتكلم
ده يا بجاحته يا جبروته
كإن مفيش سنين بينا
وعيشنا الوهم واخلصنا
صحيح ماهو بردو بني ادمين
مفيش في الدنيا دي جنة
