كحك العيد بطريقة نادية السيد .. السر الحقيقي للكحك الدايب

يُعد كحك العيد من أشهر الحلويات المرتبطة بالاحتفال بعيد الفطر في مصر والعالم العربي، حيث تحرص الكثير من العائلات على تحضيره في المنزل للاستمتاع بطعمه المميز وقوامه الهش الذي يذوب في الفم. ومع انتشار العديد من الوصفات، يبحث الكثيرون عن الطريقة الأصلية لعمل كحك العيد الدايب زي محلات الحلواني ولكن بمكونات بسيطة ومتوفرة في كل بيت.

وتُعد طريقة الشيف نادية السيد من الطرق الناجحة والمجربة التي تعطيك كحكًا ناعمًا وهشًا بطعم غني ينافس أشهر المخابز، وذلك بفضل توازن المقادير وطريقة التحضير الصحيحة.

في هذا المقال نقدم لكم طريقة عمل كحك العيد الدايب خطوة بخطوة مع طريقة تحضير العجمية للحشو وأهم أسرار نجاح الكحك في المنزل.

طريقة عمل كحك العيد الدايب بطريقة سوزان نصار

بسكوت العيد الاقتصادي بطريقة نادية السيد

مقادير كحك العيد الدايب

لتحضير كحك العيد الناعم والهش نحتاج إلى المكونات التالية:

• 1 كيلو دقيق (1000 جرام) ما يعادل من 6½ إلى 7 أكواب حسب طريقة ملء الكوب

• نصف كيلو سمنة (500 جرام) ما يعادل كوبين + ملعقتين كبار

• ثلث كوب ماء دافئ (70 جرام)

• ملعقة ونصف كبيرة حليب بودرة

• ملعقة ونصف صغيرة بيكنج بودر

• ملعقة كبيرة خميرة فورية

• ملعقتان كبيرتان سكر

• ربع ملعقة صغيرة ملح

• ملعقتان كبيرتان سمسم محمص

• ريحة الكحك أو محلب أو فانيليا (اختياري)

مقادير حشو العجمية

• ملعقة كبيرة سمنة

• ملعقتان كبيرتان دقيق ممسوحتان

• ملعقتان أو ثلاث ملاعق سمسم

• كوب إلا ربع مكسرات

• كوب إلا ربع عسل نحل

• فانيليا أو ريحة كحك (اختياري)

طريقة تحضير العجمية

1. في مقلاة على نار هادئة نذيب ملعقة السمنة.

2. نضيف الدقيق مع التقليب حتى يصبح لونه ذهبيًا.

3. نضيف السمسم والمكسرات ونقلب جيدًا.

4. نضيف عسل النحل تدريجيًا مع التقليب حتى يصبح الخليط متماسكًا.

5. نضيف الفانيليا أو ريحة الكحك حسب الرغبة.

6. نترك العجمية حتى تبرد ثم نشكلها كرات صغيرة للحشو.

طريقة عمل كحك العيد الدايب

1. في وعاء كبير نخلط الدقيق والسمسم والملح والحليب البودرة والبيكنج بودر.

2. نسخن السمنة جيدًا ثم نضيفها إلى الدقيق مباشرة.

3. نفرك الدقيق بالسمنة جيدًا حتى يصبح القوام رمليًا.

4. في كوب نخلط الخميرة والسكر مع الماء الدافئ ونتركها دقائق حتى تتفاعل.

5. نضيف خليط الخميرة إلى الدقيق ونقلب حتى تتكون عجينة متماسكة.

6. نضيف ريحة الكحك أو المحلب حسب الرغبة.

7. نترك العجينة لترتاح حوالي 30 دقيقة.

8. نشكل العجين إلى كرات صغيرة ونحشوها بالعجمية.

9. ننقش الكحك باستخدام المنقاش أو الشوكة.

10. نرص الكحك في صينية الفرن.

طريقة خبز الكحك

• نسخن الفرن مسبقًا على 180 درجة مئوية.

• نخبز الكحك لمدة 15 إلى 20 دقيقة حتى يصبح لونه ذهبيًا.

• بعد أن يبرد تمامًا يمكن رش السكر البودرة عليه.

أسئلة عن كحك العيد

ليه الكحك بيطلع ناشف ومش دايب؟

غالبًا السبب بيكون كثرة العجن أو زيادة الدقيق، كمان لازم السمنة تكون سخنة وقت إضافتها للدقيق عشان الكحك يطلع ناعم.

إيه سر الكحك الدايب زي محلات الحلواني؟

السر الحقيقي هو فرك الدقيق بالسمنة كويس جدًا وهي سخنة، وكمان ترك العجينة ترتاح قبل التشكيل.

ينفع أعمل الكحك بالسمنة البلدي ولا العادية؟

ينفع الاتنين، لكن السمنة البلدي بتدي طعم أجمل وريحه أحلى للكحك.

الكحك بيتخبز قد إيه في الفرن؟

الكحك غالبًا بياخد من 15 لـ 20 دقيقة على درجة حرارة 180 لحد ما لونه يبقى ذهبي فاتح.

أحسن حشو للكحك إيه؟

في أكتر من حشو مشهور زي:

• العجمية

• الملبن

• العجوة

• المكسرات

ليه الكحك بيفرد في الفرن؟

ده ممكن يحصل لو السمنة كانت زيادة أو العجينة طرية زيادة عن اللازم.

ينفع أعمل الكحك من غير حشو؟

طبعًا ينفع، وبيسموه كحك سادة وبيتقدم مع السكر البودرة.

الكحك يقعد قد إيه من غير ما يبوظ؟

لو اتحفظ في علبة محكمة الغلق ممكن يقعد من أسبوعين لـ 3 أسابيع.